غريب ومالى حبيب

غريب ومالى حبيب فى دنيتى

غريب ومش عارف بدايه سكتى

عايش على بواقى زكريات

وحبى اللى كان عايش ومات

ويوم قعدت مع الزمن احكيله قصتى

قال الزمن ابتدى من الاول وبالتفصيل

قولتله بس حكايتى قصة عمر طويل

قال انى اسمع حكايتك ده اساسا شغلتى

وابتديت احكى عن كل اللى حصل وكان

واول حزن عرفته واول لحظة حنان

وحكيت عن الايام واليالى الطوال

والالم اللى من كترة يتكتب موال

بكى الزمان وقالى كفايه ما تكملش

معقول حتى الزمن لعذابى ما اتحملش

طب احكى لمين يا ناس اهاتى وبلوتى؟

اذا كان الزمن نفسه ما اتحملش قصتى!

غريب ومش عارف بداية سكتى.